Aaj...(A Hindi poem)

Aaj... Tere mere milne ki raat hai...

Aaj... Pehli ikraar ki raat hai...

Kyun aisi bardh gayi hai jarooratein

Sagar ke lehron si hui hai chahatein

Ab tujhko paa ke hum sanwar jaayenge

Teri khusboo ko hi apna kar jaayenge

Aaj...Khud ko bhoolne ki raat hai

Aaj... ek doosre me dhhalne ki raat hai

Saansein bhi ab chal rahi ... Ruk ruk ke

Dekh raha hai jaise koi... Chhup chhup ke

Khamosh honge zubaan... dhadkanein bolenge

Halki si roshni kahin door, par hawaaein sehlaayenge

Aaj... chaand ko choom lene ki raat hai...

Aaj...Pyar me mar mitne ki raat hai...

Kaash, aaj raina zara aur lambi ho jaaye

Hum dono ko dekhke waqt bhi thheher jaaye

Thodi si besharmi bhi hum kar jaayenge

Tadap rahe hain itna ki, aag se bhi khel jaayenge

Aaj... Duniya se na drrne ki raat hai

Aaj... Zindegi zee lene ki raat hai...

Khushiyan pee lene ki raat hai...